Një mjek i spitalit të Krujës është rikthyer në detyrë pas dy javësh në izolim, por kolegët e tij e kanë refuzuar pasi nuk ka bërë tamponin për koronavirusin.
FaxNews bën të ditur se bëhet fjalë për mjekun Ardian Mata, familja e të cilit qëndroi në izolim dy javë pasi bashkëshortja e tij rezultoi pozitive me COVID-19. Por mësohet se mjeku Mata ka refuzuar të bëjë tamponin, ndërkohë që pas izolimit dy javor është rikthyer në punë.
Kjo ka revoltuar kolegët e tij të cilët kanë kërkuar ndihmën e policisë që ai të rikthehet në shtëpi. Ata kërkojnë që Mata të bëjë tamponin për koronavirusin.