Kampionati botëror e ktheu modelen Ivana Knoll në një emër të njohur. Pozat dhe veshjet e saj provokative tërhoqën vëmendjen e tifozëve dhe medias, duke e bërë atë protagoniste në tribuna.
Një eksperiencë që asaj i solli shumë fansa e me sa duket edhe me vetë futbollistëve të Kroacisë, të cilët ajo i ndiqte në çdo ndeshje. Disa prej tyre i kanë shkruar privatisht bukuroshes.
“Disa lojtarë më kanë dërguar mesazhe të tipit ‘si je, bla, bla, bla’. Por unë nuk iu kam kthyer përgjigje”, tregoi ajo për radion amerikane “Barstool Sports”.
Ivana nuk tregoi se kush ishin futbollistët, por shtoi se nuk ishte e interesuar për t’i njohur ata personalisht.
“Unë thjesht argëtohem me të gjithë. Mendoj se njerëzve u pëlqej pasi jam e bukur. Nuk më intereson të njoh askënd personalisht. Qëllimi im është që të bëj njerëzit të buzëqeshin, kjo është e gjitha”, tha ajo.