Në Moldavi situata po bëhet gjithmonë më e tensionuar. Vendi lindor kufitar me Ukrainën dhe me Rumaninë, nga fillimi i sulmit rus ndaj Kievit po përjeton një gjendje alarmi, me frikën që mund të jetë objektivi i radhës i Kremlinit.
Pas lajmeve të një grushti shteti të mundshëm të vendosur nga Putin dhe të organizuar nga pakica pro ruse që banon veçanërisht në rajonin e vetëshpallur si të pavarur të Transnistrias, dhe sulmit të tentuar ndaj Parlamentit të në kryeqytetin Kishinev nga qindra protestues, një tjetër lajm mund të trazojë vendin.
Parlamenti moldav ka miratuar projektligjin për të hequr termin “gjuhë moldave” si gjuhë zyrtare nga kushtetuta, për ta zëvendësuar me termin “gjuhë rumune”.