Moderatorja sportive shqiptare, Eva Murati, ka marrë një tjetër vlerësim të rëndësishëm ndërkombëtar në Itali. Bukuroshja e ekranit u nderua me “Premio Mediterraneo Europeo”, një çmim prestigjioz që vlerëson figurat me ndikim në kulturë, media dhe sport. Ceremonia u zhvillua në një atmosferë festive, ku morën pjesë përfaqësues të institucioneve italiane dhe personalitete të njohura.
Gjatë dekadës së fundit, Eva është bërë një nga fytyrat më të njohura sportive në Shqipëri dhe më gjerë.
Profesionalizmi dhe sharmi i saj në ekran janë vlerësuar vazhdimisht nga publiku dhe mediat sportive, duke e shndërruar bukuroshen shqiptare në divë të vërtetë për sa i përket popullaritetit.
Ky çmim konsiderohet një tjetër sukses i madh për karrierën ndërkombëtare të Evës. Vlerësimi i marrë nga Murati është gjithashtu një moment krenarie për median dhe sportin shqiptar.
STATUSI I EVA MURTATIT NË “INSTAGRAM”:
“Marrja e Çmimit Mesdhetar Europian ishte për mua një nder shumë i madh! Faleminderit organizatorëve, institucioneve të pranishme dhe të gjithë atyre që e bënë këtë ditë kaq të veçantë.
Me emocion mora edhe medaljen e Unionit Italian të Shtypit Sportiv, një vlerësim që do ta ruaj me shumë mirënjohje.
Kam nisur të punoj në televizion në moshën 18-vjeçare dhe gjatë dhjetë viteve të fundit kam pasur privilegjin të tregoj futbollin europian dhe të prezantoj UEFA Champions League. Për këtë arsye, marrja sot e këtyre vlerësimeve ka për mua një domethënie edhe më të thellë.
Faleminderit të gjithë atyre që kanë besuar tek unë dhe kanë qenë pjesë e këtij rrugëtimi.
Faleminderit Presidencës së Këshillit të Ministrave, Ministrisë së Punëve të Jashtme dhe Bashkëpunimit Ndërkombëtar, si dhe Ministrisë së Kulturës për këtë vlerësim prestigjioz.”
