Në pamje shihen momentet kur një majmun sulmon një vajzë tre-vjeçare që luante në rrugë të cilën tenton ta tërheqë në një rruginë të errët.
Majmuni agresiv i kërcen në kurriz tre-vjeçares në fshatin pranë Chongqing, në jugperëndim të Kinës.
E vogla ishte duke luajtur vetëm me një biçikletë në rrugën e qetë, para se majmuni ta kapë nga koka për ta tërhequr në rrugen nga erdhi.
Fatmirësisht kalimtarët panë skenën e rrëmbimit dhe ndoqën majmunin derisa shpëtuan fëmijën.
Tre-vjeçarja raportohet se mbeti me një gërvishtje në kokë dhe sigurisht me traumën e rrëmbimit nga kafsha që nuk do të harrojë kollaj.