Kryetarja e LSI-së Monika Kryemadhi e pyetur nëse do të pranojë të vaksinohet kundër Covid, tregoi se e kaloi virusin pa simptoma dhe se është këshilluar që mos ta bëjë vaksinën.
Kryetarja e LSI-së tha se duhet të tregohet e kujdesshme sa i përket vendimit lidhur me injektimin e vaksinës.
“Unë besoj te vaksina. Nuk besoj tek vaksina komerciale dhe te shumë gjera që janë për biznes. Besoj tek mjeku, institucioni. Kam kaluar një COVID pa simptoma, duhet të jem shumë e kujdesshme nga vaksina. Njerëzit që e kanë kaluar COVID, rekomandohen që për momentin mos ta bëjnë vaskinën. Ka shumë gjera që kanë probleme”, tha ajo për Vizion Plus.