Këngëtarja Morena Taraku ka ndarë me të gjithë një eksperiencë të trishtë që ka përjetuar me babain e saj pak orë më parë. Duke ju referuar ‘Spitalit Amerikan të Stambollit’, bukuroshja e ekranit e nis fjalën duke ju kërkuar të gjithë atyre që janë nisur për t’u vizituar në qendrën shëndetësore në fjalë që të ndryshojnë destinacion.
“Ky spital bëri pazar për dy vite me radhë me shëndetin e babait tim, duke ndryshuar çmimet normale dhe duke i konvertuar ato sipas qejfit. Është hera e dytë që ky spital më zhgënjen duke bërë pazar me shëndetin e babait tim. Ndoshta s’jam e para shqiptare që më shkelin në këtë mënyrë, sepse ka dhe shumë shqiptarë të tjerë që kurohen në këtë spital. Japin çmime në euro dhe i kalkulojnë si të duan, përderisa gjendemi në Stamboll dhe këtu përdoret lira turke. S’kanë faj këta, por mjekësia jonë e turpshme që duhet njerëzit e sëmurë të ikin nga Kosova për shërim… e atëherë normal që bëjnë pazar me ne”,-ka shkruar ajo në vazhdimësi.
Kjo nuk është hera e parë që personazhe publikë ndajnë eksperiencat e tyre me ndjekësit në ‘Instagram’. Në këtë mënyrë ata synojnë të sensibilizojnë publikun që i ndjek për problemet që i prekin nga afër.