Këngëtarja e njohur Morena Taraku erdhi ditën e djeshme në Shqipëri për të parë nga afër situatën e krijuar nga tërmeti i 26 Nëntorit dhe për të ofruar ndihmën e saj në këto ditë të vështira për shumë shqiptarë. Morena ka vizituar kampet ku janë strehuar shumë nga të prekurit nga tërmeti dhe po ashtu ka bërë një vizitë në spitalin e traumës.
Këngëtarja ka publikuar në profilin e saj të Instagramit një video ku shihet në spital pranë disa fëmijëve dhe krahas videos ka shkruar se kjo situatë e ka prekur vërtetë shumë. “Fillova të qaja dhe nuk mund të pushoja. Nuk kisha qarë kaq shumë qëkur nëna ime ndërroi jetë 15 vite më parë. Duke ju dëgjuar ju dhe të dëgjohem nga ju është bota për mua dhe do t’i mbaj gjithmonë me vete bisedat dhe historitë që ju keni ndarë me mua. Ju mund të më shkruani gjithmonë në ‘Instagram’ ose në e-mail. Mesazhet e mia do të jenë gjithmonë të hapura për ju. Me dashuri Morena”, shkruan ajo.