Analisti i njohur Fitim Zekthi, duke komentuar vendimin e Bashkimit Europian, për mos përcaktimin e një datë për mbajtjen e Konferencës së Parë Ndërqeveritare për Shqipërinë dhe Maqedoninë e Veriut, deklaroi se vendi ynë nuk e meriton që të hyjë në BE.
Sipas tij, në raportin për Shqipërinë, vërehen të gjitha defektet e pushtetit zgjedhor, teksa shtoi se të gjitha institucionet në vend, janë përqendruar në një dorë të vetme.
”Raporti shënon të gjitha defektet e pushtetit zgjedhor. Raporti është një skaner shumë i saktë i asaj që ka ndodhur. Fakti që një organizatë e tillë kaq e rëndësishme dhe e fuqishme tregon saktësisht atë që ka ndodhur, për mua është fatkeq për Shqipërinë dhe fatlum nga ana tjetër dhe ne kemi nevojë të kuptojmë të vërtetën dhe kemi nevojë të shërojmë atë sëmundje që ka kapluar vendin që është manipulimi i zgjedhjeve.