Opozita duhet të ndalojë hapat prapa dhe të fillojë të ecë përpara. Ky është statusi në Facebook i zv. Ministrit të Mbrojtjes Petro Koçi, aleat i PS-së në qeverisjen e majtë.
Një status ky që shpreh qëndrimin e Koçit për situatën politike në vend, por mes komenteve nuk ka munguar as ajo e opozitarit Nard Ndoka.
“Petro, mos shkruaj në rrjetet sociale në orarin e punës. Mos bëj politikë, se të kemi besuar sigurinë kombëtare”, shkruan Ndoka. Por nuk ka munguar as përgjigja e Petros, i cili ironizon opozitarin. “E mbara e forcon sigurinë kombëtare”, thotë Koçi.
Por këto komente nuk qëndruan shumë në Facebook, pasi për të shmangur ndonjë replikë Petro Koçi i ka fshirë ato.
