Izraeli ka paralajmëruar këtë të hënë qytetarët e tij që të mos udhëtojnë drejt Turqisë. Ky mesazh vjen pas kërcënimeve iraniane për shpagim pas ekzekutimit të një koloneli të Gardës Revolucionare Islamike javën e kaluar.
Teherani ka fajësuar Izraelin për vrasjen e Hassan Sayad Khodai, i cili u qëllua për vdekje në makinës së tij nga dy persona me motoçikletë.
Këshilli i Sigurisë Kombëtare të Izraelit, në një deklaratë për mediat, theksoi se Teherani mund të synojë lëndimin e izraelitëve në Turqi, ndaj e klasifikoi këtë të fundit si një “vend me rrezik të lartë”.