“Presidenti ukrainas, Zelensky, si udhëheqës i një “regjimi politik armiqësor” në luftë me Rusinë, është një objektiv legjitim ushtarak”, ka paralajmëruar Dmitry Medvedev, kreu i Këshillit të Sigurimit të vendit.
“Për Rusinë, humbja përfundimtare e legjitimitetit nga pseudo-presidenti i ish-Ukrainës nuk do të ndryshojë asgjë,” u shpreh ish-presidenti rus.
Medvedev e quajti Zelenskyn një “kriminel lufte”, i cili duhet të kapet dhe të sillet para drejtësisë ose “të likuidohet si terrorist” për “krimet e tij”.
Në fillim të këtij muaji, Zelensky u shfaq në listën e të kërkuarve të Ministrisë së Brendshme ruse. Megjithatë, nuk ka të dhëna për procedimin penal ndaj tij.