Drejtoria e Përgjithshme Detare ka dhënë një njoftim për të gjithë qytetarët rreth situatës së bregdetit shqiptar. Ajo thekson se si pasojë e motit të përkeqësuar, udhëtimet e trageteve janë anulluar dhe qytetarët mund të kompensohen nga agjensitë e udhëtimit.
Gjithashtu, çdo lundrim i mjeteve të vogla dhe mjeteve të peshkimit është anulluar.
Njoftimi i plotë i Drejtorisë:
Njoftim për përkeqësim të motit në Republikën e Shqipërisë🌧🌊!
Drejtoria e Përgjithshme Detare ju njofton se si rezultat i erave te forta me drejtim JUG-JUGPERËNDIM dhe JUG-JUGLINDJE në datën 30 mars 2022 deri më datën 1 prill 2022 moti në gjithë bregdetin shqiptar do të jetë përkeqësuar.
Bregdeti shqiptar do të perfshihet nga era me shpejtësi deri në 20m/s dhe lartësia e dallgës së detit arrin në 2.50 deri 4.00 m ku forca e detit shkon 5-6 deri 7-8 ballë 🌊. Kushtet e motit përmirësohen në datën 1 prill 2022 mbas orës 22:00.
📌Njoftohen te gjithë pasagjeret qe kane pronotuar per te udhetuar ne datat 30 e 31 ne linjat Durres-Bari dhe Bari-Durres se linjat jane anulluar per shkak te motit. Kontaktoni agjensite per rimburisimet apo zhvendosjen e udhetimeve ne data te tjera.
📌Për shkak të kushteve të motit të përkeqësuara, pezullohet lundrimi i mjeteve të vogla lundruse dhe mjeteve të peshkimit.