Reshjet e orëve të fundit kanë shkaktuar probleme në qarkun e Elbasanit.
Si pasojë e tyre, në rrugë ka pasur prani të inerteve dhe gurëve, duke bllokuar për disa orë disa akse rrugore.
Sipas informacionit, akset rrugore që kanë shfaqur më shumë probleme kanë qënë ato, Elbasan-Qafë Thanë dhe Kryq Shirgjanit-Llixhe, (rruga e vjetër Elbasan-Gramsh).
Ndërkohë po punohet në aksin rrugor Gramsh-Porocan në të cilën janë raportuar shembje rruge duke krijuar probleme në qarkullimin e mjeteve.
Nga hidrocentrali i Banjës raportohen se po bëhen shkarkime me 50m3/sek, kështu që bashkë me prodhimin ka 200m3/sek shkarkime.
Si pasojë e shkarkimeve rreth 20-30 hektarë tokë bujqësore ndodhën nën ujë.