Ka përfunduar situata kritike për rreth 800 banorë të 4 fshatrave në Kukës, të cilët kanë qenë për disa orë pa energji elektrike. Mungesën e energjisë elektrike, e konfirmoi edhe vetë OSHEE, e cila bën të ditur se është rikthyer energjia dhe po punohet për eliminimin e avarive të ndodhura në Fiderin R. 9, nënstacioni Rexhepaj Kukës për furnizimin me energjisë për rreth 800 familje në fshatrat Bicaj, Kolosjan, Bushtricë e deri në Grykë Caje.
Banoret e ketyre zonave po përballojnë kushtet e rënduara të motit me dëborë, ndërkohë që autoritetet po kujdesen që të shmangin çdo lloj problem dhe t’u gjenden afër njerëzve në nevojë.