Shi dhe dëborë në të gjithë vendin edhe gjatë ditës së nesërme. Vendi ynë do të vijojë të mbetet në kushte atmosferike të paqëndrueshme me vranësira të denduara dhe reshje shiu.
Sipas Institutit të Gjeoshkencave, reshjet do të jenë të
dobëta, deri lokalisht mesatare ndërsa do të shoqërohen dhe me shtrëngata, më
të mundshme në zonat malore në Veri dhe në Jug.
Në zonat malore mbi 500 m reshjet pritet të jenë në formën e dëborës kurse në zona
shumë të kufizuara dëbora mund të zbresë edhe më poshtë se ky nivel, zakonisht
në formën e dëborës së përzier me shi.