Ditën e sotme, në puntatën e radhës të “Wake up” në ‘’Top Channel’’ Isli Islami dhe ish – banorja e ‘’Big Brother Vip’’, Einxhel Shkira kanë bashkëprezantuar emisionin e mëngjesit. Einxhel u bë pjesë e këtij emisioni pasi Ori Nebiaj ishte në një angazhim politik. Ndërkohë, e ftuar në emisionin e sotëm ka qënë edhe motra e DJ Dagz, Aurora Gumishta.
Gjatë intervistës me të, Isli e ka pyetur se si është parë romanca e Einxhel dhe Dagz-it brenda shtëpisë dhe Aurora është shprehur se e ka ditur që nga fillimi se mes tyre do të kishte diçka. Ajo tha se e ka kuptuar Einxhelin kur ishte e stepur në fillimet e lidhjes me Arbërin brenda shtëpisë së Big Brother Vip.
‘’Besoj se i keni parë dhe intervistat e tjera, por unë jam person që lexoj informacione mes rreshtave dhe gjithmonë kam qënë pro asaj që kam shpresuar dhe kam parë diçka te Einxhel, atë që ka parë dhe Arbëri. Kështu që unë prej fillimit, e kam ditur që gjthësesi do të ketë diçka, edhe kam parë sidomos prej veprave të Einxhel duke pasur parasysh çfarë karakteri ka, edhe sa e fortë është, ku lëshohet nga njëra anë në tjetrën se ne femrat e kemi më të vështirë t’i lëshohemi ndjenjave, edhe pse shumë herë mendojmë se e kemi më të lehtë. Unë besoj se e kemi më të vështirë. Edhe sidmos të tregojmë ndjenja para të gjithë Shqipërisë, atëherë ka arritur ta lëshoj Einxhel murin që kishte vendosur para vetes. Unë si femër ngjasoj shumë si Einxhel këtë aspekt e kuptoj’’, tha Aurora.
Ndërkaq, nga ana tjetër Einxhel gjeti rastin ta falënderoj motrën e të dashurit të saj për mbështetjen që i ka dhënë asaj brenda shtëpisë, por edhe jashtë.
”Faleminderit paraprakisht. Unë nuk e kisha ditur nga brenda që Aurora kishte nisur suportin nga brenda, shumë më përpara se unë të krijoja një lidhje romancë me Dagzin. E falënderoj për çdo fjalë të mirë që ka thënë, për të gjithë suportin dhe mbi të gjitha e falënderoj që në asnjë moment nuk ka bërë atë motrën që ma mërziti vëllain nuk është gjë, ka ditur të lexoj edhe ajo një vajzë tjetër që është e ngjashme me karakterin e saj, arsyen e stepjes time. Mbi të gjitha ka velrësuar forcën time dhe kur më ka ardhur videomesazhi i Aurorës, pikërisht fjalët që ajo kishte zgjedhur të thoshte ishin fjalët që më bën super të lumtur. Dhe për këtë të falënderoj tej mase shumë’’, u shpreh ajo.
Më tej, Isli i ngacmoi vajzat nëse ishin gati për llokume. “Po, mendoj se jemi gati. Aurora ka qenë gjithmonë gati”, u shpreh Einxhel me të qeshur, gjë që e miratoi dhe Aurora.