Kombëtarja jonë nuk shkoi më shumë se një barazim ditën e sotme ndaj Kazakistanit dhe natyrisht nuk pritej të merrte opinione pozitive nga analistët e futbollit. Shkëlqim Muça në RTSH ka kritikat e tij për kombëtaren dhe për trajnerin Reja në këtë ndeshje.
“Natyrisht nuk prisnim shumë në drejtim të lojës dhe harmonizimit. Pamë mangësi në aspektin tekinko-taktik. Isha skepik për pozicionin e lojtarëve. Abrashi dhe Veseli ishin jashtë pozicionit, edhe pse mundohen të japin maksimumin. Lojtari para mbrojtjes nxjerr topin dhe kalon topi në sulm me vertikalizime. Ikën përpara, e lëshon pozicionin.
Trashi, sidomos në pjesën e parë ndërmori disa tentativa për të marrë krahun dhe pasuar. Veseli nuk bëri asnjë krosim, vetëm një në të dytën. Ishte inekzistent. Mbante ekuilibrin mbrapa. Bare kishte marrë krahun e djathtë. Manaj nuk ekzistonte fare.
I vetmi që më bindi ishte Broja. Është aftësi të dalësh para portierit. Të tjerët, Kallaku bëri lojë të mirë teknikisht, por duhet të lëvizë më shumë. Edhe ai nuk ishte në pozicion natyral. Reja luajti dobët sot, deri në minutën e 82-të nuk ndërhyri fare. Në minutën e 60-të duhej të bënte ndryshimet. Duhej të bënte 3-4 ndryshime.
Tani duhet të duket dhe dora e trajnerit dhe të ketë lojë logjike dhe na duhen kombinacione dhe në 25-30 metrat e fundit, ku nuk dukemi fare”, u shpreh Muça.