Këngëtarja Jonida Maliqi është shprehur se do të përballet në gjyq me blogeren Alba Danja, me të cilën ka pasur një marrëdhënie të ngushtë miqësore, por që para pak kohësh u zbulua edhe sherri mes tyre.
E ftuar në “Pop Culture”, Jonida tha se nuk dëshiron ta bëjë fare personazh ish-miken e saj dhe se ka prova aq sa për t’i shkatërruar jetën.
“As nuk dua ta bëj fare personazh atë që donte të bëhej publike, sepse kam rpova që mund t’i shkatërroja jetën, por nuk dua të bëj keq në këtë jetë, që të mos gjej keq. Gjithsesi, e pret gjykata, sapo të mbarojë pandemia,“- tha Jonida Maliqi.
Në fillim të muajit mars, blogerja Alba Danaj rrëfeu pr Dosja.al të gjithë zanafillën e përplasjeve me Jonida Maliqin, sipas versionit të saj. Blogerja shprehet se këngëtarja i detyrohet 1500 euro, para të cilat ia ka marrë hua dhe prej muajit maj të vitit 2019 nuk ia ka kthyer. Alba shton se përveç parave, Maliqi i ka marrë edhe një çantë të shtrenjtë të një prej markave luksoze, të cilën as nuk e ka kthyer dhe as nuk i ka dhënë paratë për produktin.
Pas këty deklaratave, këngëtarja u shpreh se kishte vendosur ta hedhë në gjyq Danajn. Alba dhe Jonida kanë qenë dikur mikesha të ngushta dhe shiheshin gjatë gjithë kohës bashkë, por tashmë nuk ndiqen as në rrjetet sociale me njëra-tjetrën.