Mungoi në takim, Rama e ngushëllon kryebashkiakun e Vlorës për humbjen e vëllait: Lutem të prehet i qetë

Kryeministri Edi Rama ishte ditën e sotme në qytetin bregdetar të Vlorës ku vlerësoi punën e të gjithë aktorëve për ndërhyrjet në restaurimin e zonës historike dhe u shpreh i impresionuar nga transformimi bashkëkohor i këtij investimi. Në fjalën e tij Rama i shprehu ngushëllimet edhe kryebashkiakut të Vlorës Dritan Leli, për ndarjen parakohe të të vëllait Eduard Leli, teksa shprehu keqardhje për mospraninë e kryebashkiakut në takim. “Më vjen shumë keq që sot nuk është këtu me ne për shkak humbjes tragjike të të vëllait, të cilin kam pasur mundësinë ta njoh personalisht dhe duke u lutur të prehet i qetë, i përcjell edhe me këtë rast publikisht, përveçse e kam bërë personalisht, ngushëllimet e mia më të ndjera Dritanit dhe gjithë familjes.