Një murale që mbulon fasadën e një prej godinave në ”Qytet Studenti”, ka ndezur një debat. Në dilemën e asaj që paraqet, figurës së gruas, burrit apo një transgjinori që fluturon i lirë, imazhi ka ngjallur debate.
Pastori Paulin Vilajeti thotë se muralja është kundër fesë. Ai e ka cilësuar “helmuese” pikturën ku duket një personazh që për shumë është pjesë e komunitetit LGBT+.
“Është dhunuar hapësira publike me një pikturë që nuk ka asnjë vlerë. Është tjetër të flasim për një art provokues që është normal dhe është tjetër për një art që brenda ka të gjithë elementët të cilët të çojnë në atë provokim që për mua është fyes,” – u shpreh pastori.