Zona përreth qytetit jugor italian të Napolit u godit nga disa tërmete sot në mëngjes, njoftoi Instituti Kombëtar për Gjeofizikën dhe Vullkanologjinë (INGV).
INGV tha se tërmeti më i fuqishëm, me magnitudë 3,1 ballë Rihter, ndodhi në fushat Phlegraean, një zonë shumë vullkanike në perëndim të qytetit rreth orës 08:00 GMT.
Sipas raportimeve të para, tërmeti nuk ka shkaktuar të lënduar apo dëme të mëdha, por është ndjerë qartë.
Disa shkolla pezulluan mësimin si masë paraprake. Fushat Phlegraean janë goditur vazhdimisht nga tërmete për disa kohë dhe kanë qenë në alarm të verdhë për më shumë se 10 vjet, gjë që kërkon kujdes.
Në maj 2024, zona u trondit nga tërmetet më të fuqishme në 40 vjet, më i forti prej tyre arriti një magnitudë 4,4 ballë.
Pas tërmeteve të majit, qeveria italiane prezantoi masa të reja për të përballuar rreziqet sizmike, duke përfshirë përmirësimin e mbrojtjes së ndërtesave dhe njoftoi plane për një evakuim të mundshëm të zonës.