Aleati i Lulzim Bashës, ish-deputeti Nard Ndoka paralajmëron kryeministrin Edi Rama për “rrënimin” që sipas tij pritet ti vijë pas tërmetit.
Ndoka thotë se “paqja” e tanishme mes opozitës jashtë parlamentare dhe qeverisë, nuk ka lidhje me Ramën por për shkak të fatkeqësisë që goditi vendin nga tërmeti i 26 nëntorit.
Kreu i Demokristianeve e mbyll paralajmërimin e fortë duke i thënë kryeministrit Rama se “s’ka prift as imam që e shpëton nga mëkatet e Rilindjes”.
Reagimi i plotë i Ndokës:
Deri dje nuk mund të lëvizte pa gardë dhe polici. Sot i duket vetja si “shpëtimtar”!
“Post tërmeti” do të të zhysë më thellë se “Rama ik”!
Kujdes, kjo paqe nuk ka lidhje me ty, por me fatkeqësinë!
Telenovelat tuaja të pështira të kinostudios “Ertv”, do mbesin si provë, ku ti je me zë dhe figurë, që tallesh me fatkeqët e tërmetit.
Dita e gjykimit po vjen, nuk ka prift as imam, që të shpëton nga mëkatet e Rilindjes tënde!