Harry Maguire është mbrojtësi më i shtrenjtë në botë, një 27-vjeçar i talentuar i zgjedhur për të luajtur për vendin e tij, i cili merr 85 milion nga skuadra.
Për dallim nga shumica e 27-vjeçarëve që ende jetojnë me prindërit, në pamundësi për të siguruar një shtëpi të tyre, talenti i Harry-it i ka sjellë atij shpërblime të bollshme dhe të ardhura prej rreth 190,000 dollarë çdo javë.
Këtë javë, ai së bashku me vëllanë dhe një shok të tyren kaluan dy net në paraburgimin policor në Greqi pasi u përfshinë në një përleshje e cila përfundoi kur Maguire u prangos dhe u akuzua për sulm dhe përpjekje për ryshfet.
Në mungesë të tij, gjykatësi i shpalli të tre fajtorë dhe i dënoi me burg për 21 muaj.
Maguire po planifikon të apelojë, dhe postoi ‘e vërteta nuk mund të fshihet’ – një citim nga Buda, në Instagram këtë mëngjes.
Versioni i ngjarjeve i Harry-it është mjaft i ndryshëm nga versioni i policisë. Ai pretendon se reagoi me zemërim kur dy burra misteriozë shqiptarë – të cilët ende nuk janë indentifikuar nëse janë me origjinë shqiptare apo jo (Dosja.al bën me dije se nuk janë) – u përpoqën të injektonin motrën e tij Daisy me një ilaç, dhe grupi i tij reagoi për ta mbrojtur atë.
Sido që të jetë e vërteta në lidhje me zënkën që ndodhi atë natë të dehur, nuk ka asnjë debat për sasinë e madhe të alkoolit që Harry dhe miqtë e tij kishin konsumuar.
Gjatë tre ditëve në Greqi, Harry dhe shokët e tij paguan një faturë prej rreth 63,000 dollarësh, Dom Perignon, verëra,vodka, uiski, karavidhe, biftekë e shumë gjëra të tjera që nuk janë bërë publike.
Në ditën në fjalë, të tre të pandehurit – Harry, vëllai i tij Joe dhe shoku Chris Sharman – kishin pirë për më shumë se pesë orë.
Pse njerëzit mendojnë se pirja non stop të çon në një vend më të mirë?
Problemi është, zgjedhja e Harry për aktivitetin e kohës së lirë (pirjen) është bërë pjesë e mënyrës se jetës britanike.
Në prill, hulumtimi nga Global Drug Survey zbuloi se mbi një e treta e atyre që qëndruan në shtëpi për shkak të virusit, thanë po pinin më shumë dhe kështu bëri një e treta e të rriturve me një fëmijë nën 18 vjeç.
Harry Maguire dhe shokët e tij janë tipike në atë që ne besojmë se pirja është ‘shpërblimi’ ynë për të perfunduar ditën’.