Kryeministri Edi Rama ka zgjedhur për postimin e mëngjesit pamjet e mbrëmjes së vonë në Berlin, pas takimit të parë në samitin franko-gjerman për Ballkanin.
Rama thotë se pati një ditë të gjatë me përfundime inkurajuese. Pa folur për shpresa për çeljen e negociatave për Shqipërinë, postimi i Ramës flet për një proces paqe përfundimtare mes Kosovës dhe Serbisë, ku tanimë sipas tij, ka një angazhim të shtuar të Gjermanisë dhe Francës,
“Mirëmëngjesi dhe me pamjet e mbrëmjes së vonë, dje pas një dite të gjatë me përfundime inkurajuese, mbi sfidat e vendit e të rajonit dhe procesin e paqes përfundimtare mes Kosovës e Serbisë, ku tanimë ka një angazhim të shtuar të Gjermanisë e të Francës, ju uroj një ditë të mbarë”, shkruan Rama.
Në videon e postuar prej tij shfaqet përshëndetja e përzemërt “natën e mirë” nga kancelarja gjermane Angela Merkel dhe presidenti francez Emmanuel Macron.