Është ndarë nga jeta në moshën 67-vjeçare publicisti i njohur Arben Xoxa. Xoxa lindi në Tiranë ku edhe vijoi studimet për gjuhë-letërsi. Ai u specializua si kritik arti, gjithmonë me rezultate të shkëlqyera. Më pas punoi për shumë vite si pedagog në Universitetin e Tiranës, drejtues në Ministrinë e Arsimit, Akademinë e Shkencave, RTSH dhe më pas prej vitit 1996 si Drejtor i Shtëpisë Botuese Enciklopedike, duke i qëndruar pranë dashurisë së tij më të madhe profesionale, librave. Që në rini e deri vonë ishte i angazhuar në shtypin vendas dhe të huaj, duke botuar qindra shkrime dhe studime, dhe i mirënjohur si një prej personaliteteve të spikatura të mendimit kritik shqiptar.
Gjithmonë patriot, gjatë viteve të fundit u tërhoq nga shtypi dhe iu përkushtua botimit të veprave ndriçuese mbi historinë dhe çështjen shqiptare.
Arben Xoxa pati një familje të qetë dhe shumë të lumtur. Ndërroi jetë ne krahet gruas së tij Valbona dhe vajzës së tij Ajola Xoxa!
Homazhet do te zhvillohen nesër në orën 10:00 pranë Akademisë së Shkencave tek Biblioteka.