Qendrat e votimit në të gjithë Turqinë do të hapen të dielën në orën 08:00 me orën lokale, ku do të fillojë votimi për zgjedhjet presidenciale dhe parlamentare.
Megjithatë Turqia ka disa ndalesa që mbase vendet e tjera të botës nuk i kanë në ditën e zgjedhjeve, siç është ndalimi i konsumimit të alkoolit dhe mbajtja e dasmave pas orës 18:00.
Pijet alkoolike nuk do të shiten nga ora 06:00 deri në orën 12:00, orën lokale të dielën, dhe do të ndalohet ofrimi i tyre në vende publike.
Vendet e argëtimit do të qëndrojnë të mbyllura gjatë votimit dhe vetëm ushqimet do të lejohen në restorantet që janë ambiente argëtimi.
Dasmat do të zhvillohen pas orës 18:00, me kusht që të respektohen ndalesat e zgjedhjeve dhe rregullat e përcaktuara.
Radiot dhe organet e transmetimit nuk do të mund të raportojnë lajme, të bëjnë parashikime dhe të komentojnë rezultatet e zgjedhjeve deri në orën 18:00 në ditën e zgjedhjeve.