Camila u kurorëzua sot si Mbretëresha e re e Britanisë në Westminster Abbey, duke marrë një rol të ri dhe më të spikatur përkrah mbretit Charles III. Ajo ishte gjithmonë e pranishme në krah të tij. Camilla është dashuria e jetës së tij, si dhe një këshilltare dhe e besuar prej dekadash.
Që kur u martua me Charles në vitin 2005, Camila ka kontribuar shumë si një anëtare e familjes mbretërore, duke mbështetur burrin e saj dhe duke përkrahur bamirësi që ndihmojnë gratë dhe fëmijët. Por disa në Britani e kanë të vështirë të harrojnë, ose të falin, lidhjen e gjatë jashtëmartesore të çiftit dhe dhimbjen që i shkaktoi gruas së parë të Charles, Dianës, Princeshës së Uellsit.
Megjithatë, me aftësinë e saj, Camilla u bë shpejt një anëtare për familjen mbretërore dhe qeverinë britanike pasi u martua me Charles në 2005. Ajo përcaktoi rolin e saj mbretëror, duke përkrahur kauza, të tilla si arsimimi i fëmijëve, mbështetja e viktimave të dhunës në familje dhe rritja e ndërgjegjësimit rreth osteoporozës.