Deputeti Dashamir Shehi tha në “Top Story” se ndërhyrja e SHBA-së në Shqipëri është diçka pozitive.
Ai tha se këtu janë korruptuar jo vetëm politikanët por edhe njerëzit e thjeshtë. Bazuar në këtë situatë, sipas Shehut, ndërhyrja është e duhur.
“Unë gjykoj që ata kanë ndërhyrë dhe kanë bërë mirë, ka pasur raste suksesi por edhe që nuk kanë funksionuar. Në vende të tjera është zbatuar formula. Në Shqipëri jemi në fillim të kësaj pune. Sigurisht që ne jemi më të ndjeshëm se janë persona që i njohim një shkundje e politikës nuk mund të behet pa një shtet të fuqishëm. Këtu nuk janë korruptuar vetëm politikanët por edhe qytetarët e thjeshtë. Ata kanë bërë mirë që kanë ndërhyrë”, tha ai.