Dy të vrarë dhe dy të plagosur është bilanci tragjik nga atentati mafioz i ndodhur më 8 shtator në një lokal në qendër të Shkodrës. Këtë të enjte inspektorët që arrestuan autorin e masakrës, janë nderuar nga Drejtoria e Përgjithshme e Policisë së Shtetit. Kryebashkiaku i Shkodrës, Benet Beci shkruan që efektivët treguan profesionalizën, guxim dhe përkushtim.
”Vlerësim i merituar për efektivët e Policisë së Shkodrës që arrestuan autorin e masakrës në lagjen “Qemal Stafa”.
Inspektorët Samet Qotaj, Arlind Mehmeti, Rigers Sekja, Kristi Koçeku, Izmir Lamkollari dhe Xhuljo Hafëzi u nderuan nga Drejtoria e Përgjithshme e Policisë së Shtetit, në prani të Drejtorit të Policisë së Shkodrës, Gentian Berberi.
Ky vlerësim është dëshmi e profesionalizmit, guximit dhe përkushtimit të strukturave të Policisë sonë, njerëz që nuk kursejnë as jetën për të mbrojtur qytetarët”,-shkruan Beci.