Janë ndërprerë kërkimet për makinën tip Golf që dyshohet se ka rënë në lumin Seman në Fier në orët e para të mëngjesit të sotëm. Mësohet se mjetet në dispozicion e kanë të pamundur gjetjen e mjetit. Ndërkohë, kërkimet pritet të rifillojnë ditën e nesërme, pasi polumbaret do përdorin magnet për lokalizimin e mjetit.
Kujtojmë që poshtë urës së Mbrostarit janë gjetur dhe pjesë të përparme të mjetit, gjë që përforcon dyshimet se mjeti ndodhet në lumë.
Më parë, aty pranë policia gjeti dhe targën e makinës. Sipas verifikimeve të bëra nga policia, ka rezultuar se makina ishte marrë me qira nga 26 vjeçari Mateo Lika.