Takimi i kreut të Partisë Demokratike, Sali Berisha me disa demokratë në Përrenjas pasditen e kësaj të premteje u shoqërua me një incident. Në bashkëbisedimin që zhvilloi me qytetarët, ku nuk munguan as sulmet e vazhdueshme në drejtim te qeverisë, në një moment fjalimi u ndërpre për shkak të stakimit të energjisë elektrike.
Më herët, Berisha komentoi vendimin e qeverisë për konfiskimin e ndërtesave pa leje. Sipas tij, investitorët paguajnë ryshfet për të shtuar kate, ndërsa Rama bën sikur nuk është në dijeni.
“Dje në parlament, tek dëgjoja socialistët unë u thashë atyre, urdhëroni, të shkojmë së bashku në çdo organizatë të PS dhe të debatojmë me ta. Mirëpo siç e shikoni, ata kanë shkëputur çdo lidhje me qytetarin dhe qytetarët. Kanë shkëputur çdo lidhje pasi Edi Rama e ka shndërruar shtetin në një makineri mashtrimi. Po të dëgjoni se çfarë flasin ata në parlament, flasin sikur janë në një planet tjetër, jo në Shqipëri.”