Erion Kajtazi, një futbollist 17-vjeçar i klubit kosovar “Trepça ’89” ka ndërruar jetë gjatë një ndeshjeje futbolli. Ai ishte pjesë edhe e ekipeve të grupmoshave të Kombëtares së Kosovës.
Edhe pse ekipet mjekësore bënë të pamundurën që t’i viheshin në ndihmë, Kajtazi nuk ia doli që t’i shpëtojë atakut kardiak.
“Erioni ndërroi jetë në fushën e gjelbër, aty ku filloi ta jetësonte ëndrrën e tij për t’u bërë një futbollist i madh, me të cilin do të krenohej jo vetëm familja, por edhe i gjithë kombi”, shkroi Kryetari i Federatës së Futbollit të Kosovës, Agim Ademi, në llogarinë e tij në rrjetin social Facebook.
“Ne planifikuam që në një të ardhme të afërt të realizojmë transferimin tënd në Evropë”, thuhet në postimin e këtij klubi.