Ka ndërruar jetë në moshën 87-vjeçare ikona e televizionit amerikan, Larry King. Drejtues historik në radiot dhe televizionet amerikane dhe fitues i çmimeve të ndryshme mbylli sytë mëngjesin e kësaj të shtune për shkak të koronavirusit.
Shfaqja e tij “Larry King Show” është ndër më jetëgjatët në CNN.
Gazetari King, fytyra historike e CNN, vuante edhe nga diabeti. Në të kaluarën ai kishte probleme serioze në zemër dhe në vitin 2017 u operua nga kanceri i mushkërive. Vitin e kaluar, ai humbi dy fëmijë, Andy dhe Chaia, në pak më shumë se tre javë. I pari vdiq nga një atak në zemër më 28 korrik, ndërsa i dyti vdiq në 20 gusht nga kanceri i mushkërive.
King ka mbajtur për 25 vjet talk shoë-n “Larry King Live në CNN”, nga 1985 në 2010 dhe para se të shtrohej në spital drejtonte programin Larry King Tani në Hulu dhe RT America, si dhe “Politicking ëith Larry King” në të njëjtat kanale në internet.