Një tjetër anëtare e familjes Lala ka ndërruar jetë në spital.
Viktima është Fiqerete Lala. Kjo humbje e çon në 9 numrin e anëtarëve që humbën jetën, si pasojë e lëkundjeve të fuqishme të tërmetit.
Ditën e djeshme pas ceremonisë mortore ku u përcollën në banesën e fundit tetë anëtarët e familjes, ndërroi jetë edhe Fiqirete Lala 64 vjeçe.
E moshuara ishte nusja e djalit të madh të Sahadete Lalës 79 vjeçe dhe nuk jetonte në vilën që u shemb nga tërmeti, por një ditë pas lëkundjeve të tmerrshme, pra të mërkurën në momentin që ka marrë vesh që është shembur vila dhe ka zënë brenda anëtarët e familjes i ka rënë infarkt nga dhimbja e madhe.
E moshuara u dërgua në spital dhe u bë operacion, por pas varrimit të tetë anëtarëve të familjes ndërroi jetë.
Tetë anëtarët e familjes Lala që u shuan nga tërmeti tragjik
1. Amelia Lala 8 vjeç – Vila në Kënetë
2. Sahadete Lala 79 vjeç – Vila tek Këneta (Gjyshja dhe mbesa)
3. Griselda Lala- 22-vjeç – Vila tek Këneta
4. Marjeta Lala 31 vjeç
5. Emilio Lala
6. Enis Lala 2 vjeç
7. Dionisa Lala 2 vjeç -binjakë (Nëna dhe tre fëmijët) në Vilën në Kënetë
8. Ilir Lala, (i paralizuar) 52 vjeç i fundit qe u nxorr nga vila 4 kateshe ne kenete