Një mësuese e klasës së tretë humbi jetën në Karolinën e Veriut, vetëm ditë pasi u testua pozitive me Covid-19. Sapo ajo doli pozitive nxënësit e saj u karantinuan si rezultat i ekspozimit.
Viktima Julie Davis, e cila dha mësim në Shkollën Fillore Norwood në Stanly County, vdiq nga ndërlikimet e lidhura me Covid-19, sipas Michelle Bailey, një zëdhënëse e shkollës.
“Ne i shprehim ngushëllimet tona më të thella familjes së zonjës Davis”, tha shkolla ku ajo punonte, ndërsa shtuan: “ne ishim vërtet të bekuar nga profesionalizmi dhe shpirti i saj”.
“Davis filloi të përjetonte simptoma më 25 shtator dhe menjëherë u vetë-karantinua”, tha Bailey.
Më 29 shtator, Departamenti i Shëndetësisë i Qarkut Stanly njoftoi prindërit e klasës së tretë të mësueses se u kërkohej të karantinorin fëmijët për 14 ditë, pasi ishin ekspozuar ndaj një anëtari të stafit i cili kishte rezultuar pozitiv për koronavirusin.
“Fatmirësisht askush nga studentët në karantinë nuk ka zhvilluar ndonjë simptomë ose ka rezultuar pozitiv”, tha Bailey.
Departamenti i shëndetësisë i tha administratës se besonte se Davis nuk e kontraktoi virusin nga shkolla.