Një numër në rritje i markave të mallrave luksoze, madje edhe disa kompani të modës po shtojnë riparimet, qoftë nëpërmjet programeve të brendshme ose partneriteteve me kompani rinovimi të palëve të treta.
Për shembull “Chanel”, lëshoi një garanci të re 5-vjeçare për të gjitha çantat e dorës dhe portofolat në zinxhir të blera nga butiqet e saj (garancia mbart me vete zëvendësimin e pjesëve dhe riparimin e produktit si dhe “kujdesin e rivendosjes së Chanel”, i cili u mundëson konsumatorëve që mjeshtrit e markës të “riparojnë dhe rinovojnë” disa produkte.
Pse po bëhen riparimet?
Prezantimi i disa programeve të garancisë dhe përpjekjeve të riparimit mund të shërbejë si një mënyrë për markat për të justifikuar qëndrueshmërinë e tyre dhe rritjen e çmimeve.
Duke reklamuar këto shërbime, markat e luksit në thelb po u ofrojnë konsumatorëve vlera shtesë, potencialisht me synimin për të zbutur çmimeve në rritje të produkteve të tyre.
Një teori tjetër është që pas përpjekjeve të reja për riparime dhe rinovime ka të ngjarë që nëse kompanitë mund t’i mbajnë produktet në qarkullim më gjatë ata nuk duhet të shqetësohen ose të paguajnë për asgjësimin e tyre.
Kjo mund të jetë një çështje veçanërisht e mprehtë për kompanitë e veshjeve për shkak të vështirësisë në riciklimin e shumë llojeve të tekstileve.