Deputeti i PD-së, Gamzent Bardhi i përgjigjet kryeministrit Edi Rama për ndërtimet pa leje, ku kreu i qeverisë kritikoi opozitën se po çon në Gjykatën Kushtetuese për të rrëzuar vendimin e qeverisë për konfiskime të ligjshme.
Bardhi pohon se opozita ka kërkuar shfuqizimin e vendimit të VKM-së që legalizon pa ligj katet shtesë të kullave të pastrimit të parave të pista.
”Edi Rama vazhdon të gënjejë për të mbrojtur oligarkët. Opozita në GJK ka kërkuar shfuqizimin e VKM që legalizon pa ligj katet shtesë të Kullave të pastrimit të parave të pista dhe korrupsionit. Konfiskimin e parashikon ligji! Zbato ligjin për oligarkët njëlloj si për çdo qytetar”.