Danielle Sheehan vendoi të zmadhonte gjoksin kur ishte vetëm 19 vjeçe.
Ajo pati humbje të madhe flokësh, lodhje, ekzemë dhe inflamacion, por asokohe nuk mund të kuptonte shkaktarin. Madje iu dëmtua edhe shikimi. Për këtë arsye, Sheehan shkoi disa herë te mjekët, të cilët i thanë se mund të ketë një gjendje autoimune ose stres të tepërt.
Por tani, 32-vjeçarja mendon se e gjithë kjo ka qenë për shkak të implantit të gjoksit, pasi problemet e saj u larguan brenda javësh pas heqjes së tyre.
“Kam hasur në njerëz të tjerë që flisnin për sëmundjen e implantit të gjirit dhe pashë se kishin skuqje rreth syve të tyre njësoj si të mitë. Simptomat e mia ishin të gjitha saktësisht të njëjta – kisha skuqje, humor të ulët, ndjeva sikur po vdisja ngadalë dhe thjesht nuk ndihesha fare mirë. Edhe kirurgu u trondit kur pa fotot para dhe pas ndërhyrjes”, tregoi Sheehan.
