Një herë në dy muaj duhet të shkojnë të sëmurët kronike tek mjeku i familjes për të përfituar falas apo me gjysëm çmimi ilaçet me rimbursim.
Dhe për ata të sëmurë që vuajnë nga diabeti, hipertensioni apo probleme kardiake për të cilët mjekimi nuk ndryshon kjo ishte e mundimshme.
Top Channel bën të ditur se tashmë të sëmurët kronikë nëse nuk kanë shqetësime të tjera mund të paraqiten tek mjeku i familjes për recetën e barnave me rimbursim një herë në gjashtë muaj, pra vetëm dy herë në vit. Por barnat në farmaci do t’i tërhiqen çdo dy muaj.
Janë rreth 360 mijë të sëmurë kronikë të cilët përfitojnë nga kjo lehtësi fale recetës elektronike. Po nga ana tjetër edhe mjekët e familjes lehtësohen nga përshkrimi recetës çdo dy muaj për sëmundje të cilat kanë mjekim të njëjtë.