Viti 2019 do të sjellë ndryshime sa i përket komunikimit telefonik në Kosovë. Kështu, në nisje të vitit të ri Autoritetit Rregullativ të Komunikimeve Elektronike dhe Postare (ARKEP), informoi se do të ndalojnë të gjitha kodeve të huaja telefonike dhe do të përdorin vetëm kodin telefonik të Kosovës +383.
Ndonëse ishte parashikuar që në qershor të vitit 2018 t’i jepet fund operimit të kodeve të huaja telefonike dhe të përdoret vetëm kodi +383 i Kosovës, kjo nuk arriti të realizohej. Sfidë për fillimin e zbatimit në tërësi të kodit telefonik të Kosovës +383, sipas operatorëve të telefonisë mobile Vala dhe Ipko ishin marrëdhëniet e tyre me operatorët ndërkombëtarë.
Kryetari i Bordit të ARKEP, Kreshnik Gashi, tha për “Radion Evropa e Lirë” se ndonëse në vitin 2018 nuk është arritur të largohen përdorimi i kodeve të huaja, procesi i zbatimit ka shënuar arritje të mëdha. 15 janari i vitit 2019 është data e fundit kur operatorët e telefonisë mobile dhe fikse Vala dhe Ipko do të duhet të fillojnë me zbatimin e kodit telefonik +383 ose do të fillohet me masa sanksionuese.