Anita Haradinaj, gruaja e ish-kryeministrit Ramush Haradinaj në Ditën e Grave të Luftëtarëve në Kosovë ka folur për jetën e saj private duke treguar se titulli më me nder që mban është “Nusja e Komandantit”.
“Në atë kohë kam qenë në shkollë në Shqipëri, 16 vjeçe kur kanë filluar trazirat e luftës, dhe nuk është se e kam menduar ndonjëherë që të jem nusja e komandantit dhe që do të përfshihem në luftë, por titullin më me nder që e mbaj është “Nusja e Komandantit”- shprehet Anita.
Në një intervitë për ATV Anita ka treguar dhe përjetimet në kohën e luftës dhe pse nuk ka qenë plotësisht e përfshirë për faktin që ndiqte studimet në Shqipëri, por Ramushi është kujdesur që t’i tregojë çdo episode madje dhe historit gazmore të luftëtarëve.
“Më ka treguar shumë histori të luftës, edhe pse familja e Ramushit është prekur shumë nga lufta, por prapë më ka treguar momente të mira që ka pasur në atë kohë”.-bën me dije Anita
Ndërsa të jetë gruaja e një politikani për Anitën duket se është pjesa më e vështirë.
” Ka qenë e vështirë, duke pas parasysh të gjitha proceset që ka kaluar Ramushi dhe detyrimisht edhe unë në krahë te Ramushit”-deklaroj gazetarja.