Një ngjarje e turpshme ka ndodhur së fundmi në futbollin italian. Bëhet fjalë për një ndeshje të kategorisë së të rinjve, në turneun “Sottana” mes ekipit të Treportit dhe Miranese. Ndeshja arbitrohej nga një femër, e cila duhet të duronte ofendimet e tifozëve gjatë gjithë ndeshjes, por kulmi ishte kur një 14-vjeçar i uli pantallonat në fushë. Ai bëri gjeste të turpshme në fushë, duke kërkuar edhe favore seksuale.
“Gazzettino” raporton se vajza është ndihmuar për të kapërcyer momentin e vështirë. Mediat italiane kanë zbuluar se emri i saj është Gulia Nicastro dhe ka arbitruar në shumë ndeshje në kategoritë e të futbollit të të rinjve. 22-vjeçarja u ndihmua nga skuadra e Miranese, ndërkohë që Treporti nuk bëri asgjë për të parandaluar ofendimet e tifozëve.