Në gjykatën e Foggia-s në Itali u mbajt seanca e dytë gjyqësore e procesit ndaj 45-vjeçarit Taulant Malaj.
Ai akuzohet për vrasjen e vajzës së tij 16-vjeçare Jessica, fqinjit italian Massimo De Santis, si dhe për plagosjen e bashkëshortes Tefta, të cilën e akuzonte për lidhje me italianin. Trupës gjykuese iu shfaqën dy videot e masakrës, së ndodhur më 6 Maj të 2023.
Taulant Malaj mori pjesë në seancë vetëm për pak minuta, pasi pak çaste pas shfaqjes së njërës prej videove, të cilat të dyja bashkë zgjasin 15 minuta, ai nisi të bërtiste dhe të godiste me kokë hekurat e kafazit në sallë të gjyqit.
Po ashtu në gjyq u shfaqën videot u shfaqën me kërkesë të prokurorëve Sabrina Cicala dhe Antonio Laronga, në mbështetje të dëshmisë së oficerëve të policisë së San Severo, të cilët ishin të parët që mbërritën në vendngjarje dhe nisën hetimet.