Mëngjesin e sotëm, në prangat e Policisë së Shkodrës ka rënë një 29-vjeçar. Brisel Kurtmetaj ishte shpallur në kërkim nga Policia e Shtetit, pasi në muajin gusht të vitit 2020, pas një konflikti të çastit, ka tentuar të vrasë me armë zjarri shtetasin S. B.
Si pasojë e të shtënave është plagosur lehtë shtetasi D. Q., kalimtar i rastit. Për 29-vjeçarin Gjykata e Rrethit Gjyqësor Shkodër kishte caktuar arrest me burg për veprat penale “Vrasja me dashje” mbetur në tentativë, “Prodhimi dhe mbajtja pa leje e armëve luftarake dhe e municionit” dhe “Prishja e qetësisë publike”.
Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.