Një situatë e pazakontë atmosferike po ndodh në Tiranë. Reshje të dendura shiu dhe breshëri kanë përfshirë kryeqytetin mesditën e sotme.
Për shumë minuta Tirana ishte nën stuhinë e shiu dhe breshërit që krijoi edhe probleme në qarkullim pasi u krijua trafik. Rrebeshet afatshkurtra të shiut do të jenë më të dukshme mbrëmjen e së shtunës dhe mëngjesin e së dielës.
Po ashtu reshjet do të jenë në një interval kohor tre katër orë, i cili do të sjellë intensitet mesatar në disa zona të izoluara të territorit shqiptar.