Policia italiane ka vënë në pranga dy persona të cilët shpërndanin drogë në qytetin e Milanos. Bëhet fjalë për një brazilian dhe një italian. Në shtëpinë e tyre u gjetën 300 gram drogëra të ndryshme, me një vlerë prej 45 mijë eurosh.
Gjatë marrjes në pyetje ata thanë se “furnizonin një sërë klientësh të cilët kishin ardhur në Milano për javën e Modës”.
Mes drogës u gjetën dhe 18 gram 2C-B, substancë sintetike e njohur si “kokaina e kuqe”, nga e cila vetëm 0.15 gram shitet 400 euro.
Sipas hetimeve të policisë italiane ata e ushtronin këtë aktivitet prej 11 muajsh, ndërkohë që vënë në dukje se telefonat e tyre celular nuk pushonin së rëni dhe kur iu sekuestruan.
Droga e shoqërisë së lartë
2C-B është një substancë psikoaktive sintetnike që i përket familjes së feniletilamine 2C. Në vitet ’80 përdorej si një ilaç afrodiziak dhe përdorej nga psikiatrët. Ndërsa sot shitja e saj është e ndaluar për shkak të efekteve psikotrope dhe aluçinacioneve. Efektet e saj mund të zgjasin deri në 6 orë. Efekti rritet dhe më tepër nëse konsumohet alkool apo dëgjohet muzikë me zë të lartë, duke e bërë këtë substancë të rrezikshme nëse merret nga të rinjtë në klube apo diskoteka.