Kryeministri Edi Rama deklaroi sot se, “në pranverë do të jemi në kantier për Kampusin e madh Universitar të Tiranës, që do të përfshijë ish-Qytetin Studenti, Akademinë e re të Sigurisë dhe Akademinë e Arteve.
Duke folur në një komunikim me medien pas mbledhjes vjetore të kabinetit qeveritar, Kryeministri theksoi se, “do të vijojmë punën me Paktin për Universitetin. Ka nisur procedura dhe në pranverë besoj do të jemi në kantier për Kampusin e madh Universitar të Tiranës, që do të përfshijë ish-Qytetin Studenti, Akademinë e re të Sigurisë dhe Akademinë e Arteve”.
Pra, theksoi Rama, “në rastin e Akademisë së Sigurisë do të ketë një rindërtim të rëndësishëm, ku do të përfshihet edhe laboratori i ri shkencor që do të jetë një risi e e rëndësishme për punën e Policisë së Shtetit, por edhe për vetë Akademinë”.
Ndërsa, vijoi Kryeministri, “në kompleksin ekzistues të Akademisë së Arteve do të rindërtojmë nga e para të gjithë pjesën e rindërtuar pas periudhës italiane”.