“Ku mbeti Era Istrefi?” është pyetja që natyrshëm u vjen ndërmend fansave të këngëtares në veçanti. Erën nuk po e shohim më aktive as në rrjetet sociale, ndërsa ndjekësit e saj kanë nisur të bëjnë disa komente ndryshe…
“Të prehesh në paqe”, “Do na mungosh”, ikona lotësh – të gjitha këto mund t’i gjesh në foton e fundit të Istrefit, që daton rreth tre muaj më parë. Njëri nga komentuesit ka pyetur: “Pse të gjithë po shprehin ngushëllimet e tyre?” Epo, sipas çdo shpjegimi, kjo ka nisur si shaka, ndonëse një pjesë e përdoruesve në rrjet e kanë marrë më seriozisht nga ç’duhet.
Era nuk ka pësuar asgjë fatale dhe Nora Istrefi konfirmoi për “Lajmi.net” se e motra është shëndoshë e mirë. Thjeshtë, këngëtarja i ka munguar publikut për një kohë të gjatë, edhe pse arsyet nuk dihen. Ndoshta ka preferuar të marrë një periudhë pauze nga fama, ndoshta po përgatitet për projektet e reja…