Me statusin e bashkëpunëtorit të drejtësisë, Ervis Bardhi vijon të dëshmojë në procesin ndaj Ardian Çapjes dhe personave të tjerë që akuzohen nga SPAK për vrasjen e Gentian e Nezir Beqirit në 2012.
Në seancën e djeshme, Bardhi iu është përgjigjur pyetjeve të avokatëve të të pandehurve që janë në të njëjtën bankë të të akuzuarish, ndërkohë që herë pas here ka ndërhyrë Ardian Çapja duke e akuzuar si mashtrues dhe gënjeshtar. Po ashtu, me mbrojtësit ka pasur përplasje edhe vetë prokurori i çështjes, pasi u pretendua se dëshmitari i prokurorisë po përsëriste të njëjtën dëshmi që kishte dhënë tri javë më parë. Ai sërish i kërkoi familje familjes Beqiri dhe kryesish nënës së Gentianit dhe nisi të rrëfente momentet kur është takuar më vëllezërit Çapja.
Ai dha detaje nga mënyra se si ishte njohur me Gentian Beqirin në qelitë e burgut të Peqinit, në krijimin e miqësisë me të dhe vizitat e herëpashershme në shtëpinë e Beqirit. Ai sqaroi edhe marrjen e porosisë për ekzekutimin e tij nga Ardian e Florenc Çapja deri në ditën e ekzekutimit. Ndërkohë që i pranishëm në seancë i akuzuari Ardian Çapja ka thënë se Ervis Bardhi është mashtrues ordiner dhe gënjen vazhdimisht.
I penduari i drejtësisë Bardhi e nisi dëshminë e tij seancën e kaluar. Ai ka theksuar se Etjen Canin dhe Olsi Lekun i ka njohur pasi i kishte çuna të lagjes. Ndërsa për Gentian Beqirin e ka njohur gjatë kohës kur ai ishte arrestuar në 2010 kur ishte duke shlyer dënimin me 8 muaj burg për armë mbajte pa leje. Ai ka vijuar rrëfimin e tij duke treguar se çdo gjë që ka ndodhur në ditën e ngjarjes. Barthi tha para togave të zeza se së bashku me Olsi Lekun kishin konsumuar kokainë dhe alkool ditën e ngjarjes